කවි කතන්දර පවා
ආදරේ පාට වුණු
ආදරේ පාට වුණු
අඳුරු බීරම පවා
ප්‍රේමයෙන් එළිය වුණු
සොඳුරු හැන්දෑ වරුම
කොච්චරක් තිබුණාද
නුඹේ ඔය උරිස්සෙම
හිතේ දුක මග හැරුණු
2019 ඔක්තෝබර් 21
- පොඩී -
සටහන්
Monday, October 21, 2019
සොඳුරු හැන්දෑව
අඳුරු බීරම පවා
ප්‍රේමයෙන් එළිය වුණු
සොඳුරු හැන්දෑ වරුම
කොච්චරක් තිබුණාද
නුඹේ ඔය උරිස්සෙම
හිතේ දුක මග හැරුණු
Saturday, October 5, 2019
නිහඬ ආලය ❤️
වචනෙන් නොකීවත්
ආලය එක් දැනීමකි
දෑසක් කියවන්න
හැකි නම් දිග කතාවකි
දෑසක් කියවන්න
හැකි නම් දිග කතාවකි
ළං වී බැලූ මුත්
ගොලු වූ ඇස් බොහෝ ඇති
එහෙමත් වෙලාවක
නිහඬ වීමම පෙමකි 😌
හිතකට මෙතෙක් යැයි
යා දුර නම් නිමක් නැති
සෙනෙහස් දැනීමක
දිග පළලක් ලියා නැති
කොහොමත් පපු තුරේ
හිරි වැටිලා රැඳී ඇති
කී වචනෙට වඩා
ආදරයක් ගැඹුරු වෙති
- පොඩී -
2019 ඔක්තෝබර් 6
Thursday, July 11, 2019
ගින්දර
හැන්දෑවටත් වඩා
උණුහුමයි උදේ ඉර
ගංදෑලටත් වඩා
හීතලයි උඹේ හිත
මං කීවටත් වඩා
ළඟ නිසා උඹව මට
රං තාම දන්නෙ නෑ
තේරුමක් උඹෙන් තොර
ගින්දරක් වාගේම
ඇවිලෙන්න ඕන මට
දරා ගන්නට නොහෙන
උණුහුමට ලෝබ මම
ඒ උණුහුමෙන් පිහුණ
උඹෙ හුස්ම වදිනකොට
සත්තකයි නිවෙන්නැති
ගිණි අඟුර මගේ හිත
අවුලන්න සුපෙම්වත ❤️
- පොඩී -
2019 ජූලි 11
Tuesday, July 9, 2019
ආසම හීනය 💜️
නිමක් නැති කතාවක
අතරතුර හිනාවක
ඉනාවක් ගෑවිලා
තිබුණාලු වතාවක
මතුරාපු කවියකට
අකුරු පදරුත් දෙන්න
පුලුවන්ලු ළග පාත
වැටෙන එක හුස්මකට
ඔය හීන අස්සෙන්ම
ඔයා හොදටම ආස
හීනයක් තෝරලා
මං මගේ කර ගත්ත
- පොඩී -
2019 ජූලි 8
Thursday, July 4, 2019
දිලිහුණා ඇස් .....
කාලෙකට කලියෙනුත් දවසක
මායිමක් නැති හවස අහසක
දුකක කඳුළක බරට කළු වුණු
වළාකුළ ඉකි බිඳිනු ඇසුණා...
දරාගන්නට බැරිම තැනකදි
මහා වරුසාවක්ව ඒ දුක
ගලා ගෙන පිට වාන් බිඳ ගෙන
පොළෝ මතුයට කඩා හැළුණා...
දුකෙන් කළු වුණු අඳුරු මේඝය
හඬා වැටිලා නිවී යනකොට
හැංගිලා උන් පුංචි තරුවක
දිලිහෙනා ඇස් දෙකක් පෙනුණා...
සසර හුරුවක් වගේ හන්දා
අතට අත ගෙන ඇඟිලි බන්දා
නැතුව බැරි තරමටම ළං වී
ජීවිතේ හිස් තැනක් පිරුණා...
- පොඩී -
2018 සැප්තැම්බර් 21
Wednesday, June 12, 2019
ආදරේ කවි නිසා
කාලෙකින් නොලියවුණු පිටුවට
ඇස් අගිස්සෙන් වගේ එබුණම
හිටියේම නුඹම නොවැ හිතවත
ළඟ නොවුණු දින වලම කවි වුණ
කාලෙකට කලින් ලිවුවා ලෙස
නුඹ ළඟින් ඉන්නකොට සඳවත
හිතුවිල්ල කවි වෙන්නෙ නැතුවට
හැම හුස්මකම ඇත්තෙ කවි හිත
දුර ඉන්න දවස් වැඩි වෙනකොට
ඉබේටම වගේ එලියට එන
කඳුළකට තෙමන්නට බැරුවට
ලියනවා පිටු ගනන් පෙම්වත
පොඩී
- 2019 ජුනි 12 -
Monday, March 11, 2019
දූලා ඉන්න තාත්තලා
පොඩි කාලෙ කර තියන්
ගේ වටේ යන ගමන්
පාන්දර ඇහැරන්න
කී කතන්දර ගොඩක්
එතකොටත්
ඇස් අරින්නට හොරෙන්
හිස බදන්
නිදපු හැටි තව මතක තියේ
හිස ඉඹිනකම්
රෑ අඳුර හිත බයෙන්
ගැහෙනකොට ළඟ ඉඳන්
පපුව උඩ හිස තියන්
නිදි කරපු දින ගනන්
කන්නෙ නැති කරවිලත්
රහට අනලා හොරෙන්
කවන ලොකු බත් කටක
රහට තව හිත ලොබින්
තාත්තේ දුර වුණත්
දනිමි නුඹ මගෙ ළඟින්
හිත හයිය සදන බව
අද වුණත් හෙට වුණත්
Subscribe to:
Posts (Atom)