උඹ දුන්නු කමටහන් එපා මට .....

උඹ මට කිව්වහම

තදින් ඇස් වහගන්න...

පියා ගත්තා මං හරි තදට 

මගෙ ඇස් දෙකම...

භාවනා කමටහන්

දරාගෙන
පුරෝගෙන
මගේ මුලු හදවතම...

උඹ කියපු 

වචනෙකින් වචනෙකට

මං හිතුව ගැඹුරටම
ගැඹුරටම ...

අකැප පව් කෙලෙස් ගැන

උඹ කියපු හැම දේම

එකතු කරලා

අගුලු දාලා 

අවුලුවා අළු කළා එවෙලේම...

අන්තිමට
උඹ කීවාම

ඇස් අරින්නට

තදට වහ ගනිපු ඇස් 

ඇරියා මම...

දුටුවෙ උඹ
හිනා වෙන හැටි

අමුතු විදියට

....මට නෙමෙයි වෙන්න ඇති....

හිතුව මම..

'පෙනේද පිං පාට'

කීවාම,

'අනේ ඇත්තද?'
ඇහුවෙ මං 

ඇත්තටම...

...ඇත්ත වෙන්නැති... 

හිතුව මම...

තේරෙන්න කාලයක් ගියා මට...

ඇස් පියා ගන 

උඹ කියපු වචන ගැන

භාවනා කරපු මම

දිහා බල බල

හිනා වුණු වග...

පිං පාට කියාගෙන

උඹ හිතුවෙ

'අනේ ගොං කම' කියා වග...

වහ කියල මං අළු කරපු 

හැමදේම

තාම උඹ මට හොරා කරන වග...

හොදයි කියලා මං වැදපු 

උඹෙ කකුල් 

මං තරම්වත් 

පවින් තොර නැති අරුම..

තවත්  දැන් ආයෙ නම්

ඇස් වහන්නැහැ ඉතිං 

ඇස් ඇරන් ඉදං,

ඇස් වහපු උන්ට හිනාවෙන

උඹ වගේ 

නරුම ඇස් 

උගුල්ලන්නම හිතං....

- පොඩී -

2016 මාර්තු 22