අපි ආපු පාරට
හෙට එන නුඹට එන්නට
ඉඩ හදා දෙන්නට
කෑ ගහන මේ අමුතු 'කම'
හිග අතමිට නොදැනෙන්න
කුසට බත් කට තම්බගෙන
හෙට වෙද පුතෙක් හීනෙනුත් දකින
අම්මලා ගැන දැනෙන 'කම'
නියං පොළවට නොහැගෙන
ඉරි තලපු පැලුමකින් මතු වෙන
පියලි බෙදුණම හීන එළිවෙන
තාත්තෙකුගේ අහිංසක 'කම'
වේල යන්තම් පුරවන
හේතු මාමල ඇදට වැටුණම
අඩුම ගාණක බෙහෙත දෙන්නට
උන්ගෙ පපුවේ ගැහෙන තැන ගැන
හොදට හදුනන උඹේ හීනෙට
නලාවක් දෙන්නට...
ඉතිං ඒකයි මේ අමුතු 'කම'
සල්ලි විසි වෙන උන්ගෙ ඇස් ළග
අපේ ලේ රත් වෙන කුහක 'කම'
- පොඩී -
2016 ජනවාරි 15
No comments:
Post a Comment