මං ආසයි හිනා වෙන්න
ඊටත් වැඩියෙන් ආසයි
නුඹේ හිනාවක් බලන්න
හැම හීනෙම දිලිහෙන එක
තරුව නුඹම බව කියන්න
ආසයි මං එතකොට නුඹ
හුස්ම ගන්න හඬ අහන්න
පපු ගැඹුරෙන් එන හුස්මක
මගේ පණ ටික හිර කරන්න
තරහක් නෑ ආදරයේ
පුංචි හිදැස් තියාගන්න
ඒ අස්සෙන් ඉඳල හිටල
අත හැරි කඳුලැලි බලන්න
අනේ එපා ඒ කඳුලට
ආය එන්න මග කියන්න
සුසුම් පිරුණු ආ මග දිග
බලා ඉඳන් හිනාවෙන්න
ආයෙත් නෑ එහෙම දවස්
දිවුරන්නම් හිතට ගන්න
මට ඇහෙන්න හිනාවෙන්න
හිත පිරෙන්න හීන දෙන්න
තියන තරම් මේ ඔක්කොම
සෙනෙහස ළඟ හුස්ම ගන්න
-පොඩී-
2016 සැප්තැම්බර් 11
No comments:
Post a Comment