පොඩී: 2014

සටහන්

Tuesday, November 25, 2014

බඩගිනි කඳුළු.....

උන්ට ගඳ

උන්ගේ කුණු

අපිට සුවඳයි පුතේ

බත් සලක්

තිබුනොතින්

දවසටම

ඇති පුතේ

උන්ගේ කටු

කකුල් වල

ඇමිනුනත්

මයෙ පුතේ

ලොවන්නට එපා උඹ

ඔව්ව වහ වෙයි පුතේ

වදපු බඩ

හොයාගෙන

යන්න බැරි මගේ අතේ

හැපුනාම

මං කොහොම

නොදැක යන්නද "පුතේ"

-පොඩී-

2014 නොවැම්බර් 25

කියවන්න...

මගේ මළගම...

පුරෝගෙන පෙනහළු

හමා එන සුවඳ පොදි ගහන්

ඔබේ යයි හිතාගෙන

උරාගෙන උරාගෙන ගියා මං

ඇස් දෙකත් පියාගෙන

කන් දෙකත් වසාගෙන

බය හිතුණා මට

එක පාරටම

පපු මැද්දට දැනුණු

ලේ රස්නෙට

අනේ ඇනගෙන මං

මගේ පපුවට

පිහියකින්

-පොඩී-

2014 නොවැම්බර් 25

කියවන්න...

වැදගත් හෙළුව....

නුඹට පෙනෙන

ඇය නොදකින

ඇස් වහගෙන

සේල් දමන

කළු කොලයට

මිල වැඩිවන

රඟති නටති

තරු දිලිහෙන

-පොඩී-

2014 නොවැම්බර් 25

කියවන්න...

මියැදුන තත්සර...

තත් සර ගී ගයන

අත් පොළසන් හඬන

සත් දිනකට කලින්

මං ළඟ නුඹ උන්න

මොහොතක මතකයක්

හිත යට ඇවිලිලා

ඇස් කන් පුපුරවන්

තත්සර සුන් කළා

නුඹ නැහැ ළඟ තවත්

දැනගෙන ඇඟිලි තුඩු

තත්සර තුල ගිලී

ගිනි ගෙන මියැදුනා

-පොඩී-

2014 නොවැම්බර් 25

කියවන්න...

පාටයි මමයි......

පාට දිලිහෙන

ලෝකයට

රැවටී

පාට පාටින්

පාට කරලා

ආපු හීනෙක

නිදියලා....

මාව දීලා

ඈත ගිය

අම්මේ

පාට පාටයි මම

දන්නේ නැහැ තව

කිසිම පාටක නම

-පොඩී-

2014 නොවැම්බර් 25

කියවන්න...

Monday, October 13, 2014

විඳිමි නිවන.......

නිසසල නොවන සිතුවිලි මාලිගා මැද

තව දුර දුවන්නට ඇත මේ සසර මග

හිත සතපවා සදහම් මල් අසුන උඩ

මොහොතක් විඳින්නට හැක ඒ නිවන් සුව

-පොඩී-

2014 ඔක්තෝබර් 13

කියවන්න...

hand out එකක තිබී අහුලා ගන්නා ලද්දකි

අඳුරට හුරු වුණ

අකුරට බැඳී නෙත

විඩා නිවන්නට පෑයූ සඳවත

අමාවකට නාවත් හිත් අහසට

දනිමි දුරින් හිඳ එලිය සදන වග

-පොඩී-

2014 ඔක්තෝබර් 13

කියවන්න...

නාටකය.........

නුඹ

පවන් රැල්ලක එතී ආකහේ හිතු සේ

අයාලේ පාව යන වලා රොදක්

මම

නුඹ ඇවිත් ආයෙමත්

යන තුරා නිසලවම බලා හිඳිනා

ගුප්ත නිල අහසක්

ඇය

නුඹ වටා තනි නොතනියට හිඳ

ගී ගයා නිදහසේ නුඹ එක්ක හිනැහෙන

කිරිල්ලක්

ඔහු

දඟ පාන වලා රැල් දැක දැකත්

නුදුටුවා මෙන් පායා විත්

බැස ගියත් අයෙමත් නැග එන

ඉරක් හඳක්

අපි අපිටවත් අයිති නැති

අපිම වත් දන්නෙ නැති

නාටකයක් කට පාඩමින් රඟපාන

නළුවෝ ටිකක්....

-පොඩී-

2014 ඔක්තෝබර් 13

කියවන්න...

Friday, October 3, 2014

පසුව ලිවීම.......

ගිහින් එනවද ආයෙමත් නුඹ

නොකීවට වෙනදා වාගේ

ඇවිත් යනවද හිදින්නම් මම

මෙතන හැමදාමත් වගේ

හෙටත් පායයි ගිලුණු ඉර අර

පෙරදිගින් වෙනදා වගේ

ඉතින් එනවද හෙටත් මෙතනට

අරන් ළග ඇති හිත මගේ

-පොඩී-

2014 ඔක්තෝබර් 4

කියවන්න...

නියං හුළං........

දෑල දිග සුපිපුණු

දෑ සමන් මල් පෙති

අපි ගියපු මග දිග

වැතිරිලා දුටුවද නුඹ

ලෙංගතු හිතළඟ

ඉස්සර වාගෙම

පිං පුරවන

බෝසත් කම පිරිලා

මං ළඟ නැතුවට

ඇස් දෙක වැහුවම

හමනව නුඹෙ

සුසුමන් නෙතු විියළා

පෙම්බර සත්තයි

හිතෙනව එන්නට

නුඹව හොයාගෙන

මොහොතින් පියඹා

අත්තටු දෙනවද

පිං කළ දෙවිඳුනි

ඔහු ළඟ නැවතුනු

මගෙ හිත හොයලා

-පොඩී-

2014 මැයි 17

කියවන්න...

Tuesday, March 25, 2014

මළගම

අහස දරන මහ සෑයට

පුදපු පහන් වැටි ගානට

වඩින කෝටියක් දෙවිවරු

අරක් ගනිපු මහ මලූවට

පාට පිරුණු හැන්දෑවට

හැඩ වී කණ කොක් පාටට

ඇව්ත් කියපු සෙත් කවි වැල්

තවම ඇහෙනවා සවනට

අකලට වියලූණු අත්තක

එල්ලීගෙන යාන්තමට

කෙඳිරි ගාපු බෝ කොළයක්

වැටී පොඩි වුණා දෙපයට

තුන් හිතකින් බෝ මුලකට

වරදක් නැති වුණත් නුඹට

නුඹේ මතක බණ අහන්න

ඉන්නට පින් නැති වුණ හැටි

- පොඩීි -

2014 මාර්තු 25

කියවන්න...

Saturday, March 15, 2014

පුහු දුන් ජීවිත

තනුවක් නැතිව

තනිවම ගැයෙන

නිසඳැස් කවිය

ජීවිතේ...

එළිවැට බඳින

බැම්මට නතුව

හිර වී හඬන

ජීවිතේ...

බැමි බිඳ දමා

නිවනට ඇදෙන

මඟ දැන දැනත්

ජීවිතේ...

ඒ මඟ මගැර

බැමි බැඳි මඟම

ලොබ වී දූවයි

ජීවිතේ...

-පොඩී-

2014 මාර්තු 15

කියවන්න...

Thursday, March 13, 2014

අනේ දොස්තර නොදුටු මොක්පුර

තවත් බොන්නට

එපා කිව්වම
අනේ දොස්තර

නොදුටු මොක්පුර

නැගිට ගන්නට

බැරුව වැටුනම
අනේ දොස්තර

මැරේවිද මම...

- පොඩී -
2014 මාර්තු 13

කියවන්න...

Tuesday, March 4, 2014

ගිම්හානය.....

මල් කිනිති ඉඟිකරන

මුතු පින්න නෙත් දොවන

ගුම් නදින් සර වැයෙන

සුන්දරම වසන්තය

නෑවිදින් ගියානම්

නුඹ මගේ ලෝකයට

දැනේවිද කිසිදාක

ගිම්හානයේ කඳුල

- පොඩී -

2014 මාර්තු 04

කියවන්න...

Friday, February 28, 2014

නූපන් පොහොට්ටුව

තවම නූපන් මල් පොහොට්ටුව

තුරු රිකිල්ලක මුදුන් දලු මැද

හිරු කිරණ නැග නැගෙනහිර නුබ

මල් වරන තුරු හීන මැව්වා

ඈත අඳුරෙන් උපන් දෙබරෙක්

මෑත නොපිපුණ මලට ලොබ බැඳ

ලොවට සැඟවී අඳුරු වර ගෙන

මල් කිනිත්තේ ලැගුම් ගත්තා

“ඉරට කලියෙන් පීදියන් නුඹ”

බසින් රවටා මල් සිඟිත්තිය

නිදන මල් පෙති එකින් එක ගෙන

මුලින් උදුරා තලා දැමුවා

බලා නිසි කල පිපෙන විට ඉර

තැලී පොඩි වී අහිංසක මල

කඳුලු හෙලමින් තනිව ගස මුල

මියෙන්නට පණ අදිනු දුටුවා

-පොඩී-

2014 පෙබරවාරි 28

කියවන්න...

Thursday, February 27, 2014

කුළුදුල් පෙම

අසම්මතයට

සිතින් පෙම් බැඳ

දුකින් නිමවූ

කුළුදුලේ පෙම

හිනා පූදින

හීනයක් දැක

අවදිවූයේ

කදුළු නුවරක

ආමගක් නැත

යන තැනක් නැත

නතර වන්නට

තොටුපලක් නැත

මහමෙරක් යැයි

කියූ සෙනෙහස

කප්පරක් දුක

උරුම කොට ඇත

- පොඩී -

2014 පෙබරවාරී 27

කියවන්න...

Friday, February 21, 2014

නුඹ නුදුටු මල්

පිරුනු තුරු ගොමු අතරින්

තුරු හිස් මුදුන් ඉහලින්

හැමදාම නුඹ සොයා ගිය ඒ

හිනා මල් පොකුරු

පිපී තිබුනා මගේ හිතෙත්

නුදුටුවාට නුඹ

කවදාවත්ම.......

- පොඩී -

2014/02/21

කියවන්න...

Tuesday, February 18, 2014

ගොම්මන් කළුවර ඇහැරෙන්නට පෙර
අඟුළු දමන්නට බැරි වුණු කවුළුව
ඔහේ දමා යන උතුරු හුළඟකට
එන්නට දීලා මගෙ හිත් ගෙදරට

පරෙස්සමට කාටත් රහසේ මම
දල්වාගෙන උන් මගේ පහන් සිළ
දෙනෙත වසන සැනෙකින් දුවගෙන විත්
මරා දැමුවේ කිමද සුළඟ නුඹ

මියැදුණු එළියට යළි පණ නැතුවට
දැල්වුණු උණුසුම තාම දැනෙයි මට
කවුළුව අභියස නොහඩා තව නුඹ
එන්න සුළඟ ගෙට මතක බණයි හෙට

- පොඩී -

කියවන්න...